Þátttakendur

Til þess að komast í starfsendurhæfingu þarf fólk að hafa tilvísun. Starfsendurhæfing er fjármögnuð af tilvísendum og er þátttakendum að kostnaðarlausu.

ViIRK starfsendurhæfingarsjóður er aðal kaupandi þjónustu hjá Starfsendurhæfingu Hafnarfjarðar. Sjóðurinn hefur það hlutverk að hafa umsjón með starfsendurhæfingu á Íslandi og fjármagna viðeigandi úrræði, aðgerðir og verkefni á sviði atvinnutengdrar starfsendurhæfingar.

Til þess að eiga rétt á þjónustu VIRK þarf fólk að vera með heilsubrest sem staðfestur er af lækni og hafa tilvísun frá lækni . Beiðnir um atvinnutengda starfsendurhæfingu hjá Starfsendurhæfingu Hafnarfjarðar fyrir fólk með heilsubrest eiga því að berast til VIRK starfsendurhæfingarsjóðs þar sem mat er lagt á mál einstaklings, hvort atvinnutengd endurhæfing sé talin raunhæf og hvaða þjónusta sé talin henta viðkomandi. 

Fólki sem telur sig þurfa á starfsendurhæfingu að halda en er ekki með skilgreindan heilsubrest  er bent á að snúa sér til þeirrar þjónustustofnunar sem það er í sambandi við s.s. Vinnumálastofnunar og félagsþjónustu sveitarfélaga, sem eru meðal samstarfsaðila Starfsendurhæfingar Hafnarfjarðar.

Framfærsla

Skoða nánar

Innskráning

Skoða nánar

Þátttaka í starfsendurhæfingu hentar fólki sem: 

  • hefur misst vinnu,
  • sendur höllum fæti á vinnumarkaði
  • hefur þurft að hætta störfum t.d. vegna sjúkdóma, slysa, áfalla eða erfiðra félagslegra aðstæðna

Ef það vill komast til vinnu á ný, en þarf aðstoð við það og er tilbúið til þess að sinna starfsendurhæfingu.

Í endurhæfingunni getur fólk fengið aðstoð og stuðning til þess að taka frumkvæði, vinna að markmiðum sínum og bæta stöðu sína gagnvart vinnumarkaði. Það vinnur að því að efla sjálft sig til líkama og sálar í samvinnu við aðra þátttakendur, auka þekkingu sína og gera ýmsar breytingar á lífi sínu. Þá gefst einnig kostur á að fara í starfsþjálfun á vinnumarkaði til þess að láta reyna á starfsþrek og vinnugetu.

Scroll to Top